Concurso de Fotografía Vendima 2003 na Ribeira Sacra

Concursantes e números de obras
Cada concursante poderá presentar un máximo de 12 fotografías e un mínimo de 4 relacionadas coa vendima do ano 2003 na Ribeira Sacra. As fotografías deberán ser inéditas, non podendo estar publicadas nin ter acadado ningún premio.
Tamaño, tipo e identificación
O formato será de 13 cm x 18 cm ou 20 cm x 25 cm en branco e negro ou cor. Non deberán ir montadas nin reforzadas sobre cartulina, nin con passepartout, e tampouco poderán ser presentadas enroladas. Non serán admitidas imaxes de montaxes, nin de manipulación dixital. As fotografías deberán estar asinadas con seudónimo, debendo acompañar nun sobre pechado tódolos datos persoais do autor.
Presentación
Os participantes poderán presentarán as súas fotografías na sede do Consello Regulador Ribeira Sacra. Rúa Pescadería nº1, Monforte de Lemos. Teléfono: 982 41 09 68. O prazo de presentación remata o día 30 de outubro.
Dereitos de exhibición
As obras presentadas quedarán en poder da Asociación de Adegueiros, que poderá utilizalas no tempo e xeito oportunos, así como os negativos das fotografías premiadas.
Xurado
O xurado estará presidido polo presidente da Denominación de Orixe Ribeira Sacra, José Manuel Rodríguez, e estará formado por cualificados profesionais do campo da fotografía e un representante da Asociación de Adegueiros da Ribeira Sacra. O faio do xurado e a entrega dos premios será o 10 de nobembro na sede do Consello Regulador.
Premios
Haberá un primeiro premio de 600 euros, un segundo de 300 euros e tres accesit de 100 euros cada un. Cada autor poderá recibir un único premio.
Exposición
As fotografías presentadas no Concurso fotográfico serán obxecto dunha exposición da que se informará co debido tempo.
Outros
O faio do xurado será inapelable, a participación neste concurso implica a total aceptación das presentes bases. A interpretación destas bases corresponde ó xurado, así como calquera outra circunstancia non prevista.