AGAFI. ASOCIACIÓN GALEGA DE FIBROMIALXIA

QUE É A FIBROMIALXIA A fibromialxia é unha enfermidade crónica que ocasiona dor musculoesquelética xeneralizada e un esgotamento profundo. O nome indica dor nos músculos e nos tecidos fibrosos (tendóns e ligamentos). A doenza defínese coma un reumatismo non articular que produce dor continuada nos tecidos brandos arredor das articulacións. A enfermidade foi recoñecida no ano 1992 pola Organización Mundial da Saúde (OMS) coma unha enfermidade específica dentro dos reumatismos. Aféctalle aproximadamente a un 5-6% da poboación. O 90% das persoas afectadas son mulleres de idades moi variadas, pero dase unha especial incidencia entre os 20 e os 60 anos. Pódese presentar como única alteración (FM primaria) ou asociada a outras enfermidades (FM concomitante).