Usuarios de Aspnais percorren a Muralla romana de Lugo

Máis dun cento de usuarios de Aspnais percorreron a Muralla romana de Lugo, con motivo do Arde Lucus, e dentro dos actos conmemorativos do Cincuentenario da Asociación.

Os asistentes, distribuidos en tres grupos, foron acompañados polo arqueólogo Felipe Arias Vilas, o historiador Adolfo de Abel Vilela e o arquitecto Ignacio López de Rego, iniciando o seu percorrido na rampla existente fronte á fachada principal da Catedral, camiñando polo adarve ata a baixada do Campo Castelo, e recibindo información sobre diversos aspectos relativos á construción, conservación e historia da muralla.