Usuarios de ASPNAIS visitan a Audiencia Provincial de Lugo

Invitados polo Presidente da Audiencia Provincial de Lugo, José Antonio Varela Agrelo, 30 usuarios de Aspnais visitaron o Pazo de Xustiza da capital lucense, e asistiron a un xuizo celebrado no Xulgado número 1 do Penal.

A invitación para que usuarios de Aspnais acudiran á sede lucense dos xulgados e á Audiencia Provincial, xurdíu a raíz da visita que o Sr. Varela Agrelo efectuou aos talleres da Asociación provincial de país e titores de persoas con discapacidade intelectual (Aspnais), dentro do programa de visitas que se viñeron efectuando ao longo deste ano, con motivo de cumprirse o primeiro medio século desta entidade.

En Aspnais considerouse do maior interese esta visita, que forma parte do conxunto das que se viñeron efectuando para que os usuarios da entidade teñan cabal coñecemento da realidade política, social, relixiosa, cultural e –neste caso- xudicial da capital lucense.

Os membros de Aspnais chegaron ao edificio dos xulgados ás once da mañán, e alí asistiron a un xuizo no xulgado do Penal número un, sobre un tema de agresións á Policía Nacional que se producíu na mesma Comisaría de Policía, seguindo atentamente a acusación do Fiscal, as argumentacións do Avogado Defensor, a declaración da acusada, as preguntas e repreguntas de Fiscal e Defensor a esta así como aos tres membros da Policía Nacional que acudiron a testificar sobre o acontecido, e a declaración final da Xuíza de que o caso queda "Visto para Sentencia".

Finalmente, os usuarios de Aspnais, e os seus acompañantes entre os que estaba o Presidente da Asociación, José Reigosa García, foron recibidos á entrada da Audiencia provincial polo Presidente da institución, José Antonio Varela Agrelo, que os conducíu ao salón de xuizos do Civil, onde departiu amplamente con todos eles explicando o papel da Xustiza na aplicación das leis e contestou ás numerosas preguntas formuladas polos visitantes.

Outro grupo de usuarios de Aspnais visitarán as dependencias da Garda Civil na capital lucense durante a mañán do xoves, día 24 de novembro.