Presentación do facsímil de “A Xanela” coa música de Miro Casabella

A edición facsimilar conta cunha portada que reproduce un gravado do artista betanceiro Jesús Núñez, cedido expresamente para a ocasión.

Pechará o acto un recital ofrecido polo veterano músico e cantautor Miro Casabella, quen xa ten colaborado noutras ocasións con Eira Vella. Miro comezou a súa carreira musical conectando co movemento da Nova Cançó cando era estudante en Cataluña, entrando logo en contacto co movemento musical galego de Voces Ceibes e, posteriormente, co grupo folk Doa, antes de abandonar temporalmente a interpretación musical que volvería a retomar despois

A súa obra discográfica abrangue dende os primeiros “singles” e “EP´s”: Miro canta as súas canciós (1968), Miro canta Cantigas de Escarnho e MalDizer (1969), Coma os vellos trobeiros (1972), A Bandeira (1977); ata os discos de longa duración Ti, Galiza (1977), Treboada (1978), e o CD Orballo (2004), ademais doutros recompilatorios e discos colectivos.