Skip to main content

Dúas poéticas mozas feministas chegan dende Ourense e o Nepal ao ciclo POETAS DI(N)VERSOS

Ademais, retomarase neste trimestre primaveral a lectura do pasado marzo, adiada por mor do peche das fronteiras portuguesas que impediu viaxar á convidada de Lisboa. Polo tanto, non tres senón catro lecturas públicas de poemas, abertas e gratuítas, entre abril e xuño, conseguirán transmitir a propios e estraños toda a forza e emoción da palabra.

Así, a primeira das novas citas xuntará o vindeiro luns 26 de abril, ás 20h, dúas poéticas feministas mozas con ecos do ‘spoken word’: as da ourensá Arancha Nogueira e a nepalí Itisha Giri.

Unha libraría distinta das que serven de poesía á cidade da Coruña ofrecerá á venda, en cada acto, os títulos das plumas convidadas, dispostas a estampar neles as súas sinaturas. O amplo espazo do auditorio do Ágora reducirá a súa capacidade ao 30%, mais non se prevé que as 90 prazas permitidas acaben por deixar fóra ningunha persoa do público habitual deste ciclo. Un metro e medio de distancia en todas as direccións, xel hidroalcohólico e o uso continuado de máscaras serán outras das medidas que farán deste un evento cultural seguro. POETAS DI(N)VERSOS só interrumpiu as súas actividades durante o confinamento da pasada primavera, e recibiu en 2014 o Premio da Crítica de Galicia á Mellor Iniciativa Cultural.

Poetas Di(n)versos