O Geroi Sevastopolya: ¿aprendeuse algo do Prestige?

Por outra banda, é patente que nin as autoridades españolas nin galegas aprenderon nada da experiencia do Prestige: véndese como un éxito que o petroleiro pase a máis de 200 millas cando o Prestige amosou claramente que por moito que un barco se afaste se ten verquidos contaminantes ou rompe as substancias tóxicas chegaran ao litoral igualmente e ademais nun tramo longo e por moito tempo.
Ante esta situación cabe facerse unha serie de preguntas:
1. ¿De qué serve afastar o barco? ¿protéxense así as costas?
2. En caso de accidente, avaría, verquido ou rotura ¿que se tería feito? ¿afastalo aínda máis e provocar outra marea negra das características da do Prestige? ¿traelo a porto? ¿quizais a un porto refuxio, tal e como recomenda a UE?
3. En caso de que o buque non respectara as 200 millas ¿que se tería feito? ¿pegarlle un tiro tal e como suxeriu, intelixentisimamente, o Presidente da Xunta, D. Manuel Fraga, e provocar así unha gran marea negra de novo? ¿incautar o barco e traelo para a costa?
¿Cándo poderemos dispoñer dunha lexislación internacional oportuna que protexa axeitadamente non só as nosas costas senón todos os mares do mundo? ¿Cándo as autoridades competentes aprenderán algo das experiencias pasadas?