Palas de Rei, punto de encontro dos emigrantes galegos

Palas de Rei pasa a converterse por un día, e por primeira vez, no lugar de celebración dun dos eventos máis destacados a nivel galego de acollida deste singular colectivo de galegos de distintas xeracións e procedencias que nun momento da súa vida e por diversas circunstancias tiveron que deixar a súa terra na procura dun novo modo de vida.
Esta VI Xuntanza da Emigración, tamén bautizada como “Galicia dentro e Fora” está organizada polo Concello de Palas de Rei e a Coordinadora Federal das Asociacións Galegas en Alemania, que agrupa a 13 entidades galegas que actualmente existen no pais xermano e conta coa colaboración da Secretaría Xeral de Emigración da Xunta de Galicia.

Este evento desenrólase nun dos enclaves naturais máis detacado deste municipio lucense, a Área Recreativa de Vilar de Donas, un espazo natural, ao carón do río Lestedo, de 4 hectareas de superficie verde que foi inugurada como Área Recreativa no ano 2008 e que se atopa a uns metros dun dos monumentos máis destacados das expresións artísticas do románico e gótico do municipio no que se asenta, como é a Igrexa de Vilar de Donas.

Aos máis de 1.500 emigrantes que inicialmente se estima que participarán nesta Xuntaza hai, ademais, que engadirlle ó redor dúnhas 800 persoas pertencentes ao colectivo da Terceira Idade en Palas de Rei quenes tamén celebran ese día e nese lugar unha nova edición da Festa da Terceira Idade de Palas de Rei que organiza o Concello Palense.

A Xuntanza comprende unha serie de actividades que incluen: misa solemne, un xantar campestre no que non faltarán os productos galegos como: as empandas, o churrasco, o becerro a brasa e o queixo da Ulloa. Ademais tamén habrá un festival de Folclore con actuacións musicais diversas: Orfeón do Carballiño, a Charanga do Concello da Baña, a Banda de Gaitas de Verea (Ourense) e a Orquesta Alianza. No transcurso da xornada terá lugar a entrega de 15 medallas de plata a diferentes personalidades da sociedade galega que destacarón por a súa labor a favor da emigración, entre os agraciados faráselle entrega da medalla de Ouro da Coordinadora Federal de Asociacións Galegas en Alemania ao Secretario Xeral de Emigración da Xunta de Galicia, Santiago Camba.