A agricultura ecolóxica galega xenera produtos por valor de 17 millóns de euros

A pesares da situación económica adversa, a agricultura ecolóxica galega rexistrou ó longo do ano 2010 un importante incremento. Segundo datos presentados polo seu presidente, José Antonio Fernández onte ó longo dun almorzó cos medios de comunicación, o Consello Regulador da Agricultura Ecolóxica de Galicia (CRAEGA) certificou nese ano produtos por valor de 17 millóns de euros, o que supón un incremento do 21% con respecto dos produtos certificados no ano 2009.

Segundo José Antonio Fernández, “as cifras avalan a viabilidade da agricultura ecolóxica como un sector de futuro, capaz de xerar crecemento económico mesmo nunhas condicións tan complexas como as actuais. A agricultura ecolóxica axuda a loitar contra problemas galegos como son os lumes forestais, a despoboación do agro e, por suposto, o desemprego”. O presidente de CRAEGA presentou ós medios as cifras actualizadas da actividade do Consello, que ocota cun total de perto de 600 produtores e elaboradores inscritos e con máis de 14.200 hectáreas adicadas a agricultura ecolóxica na nosa comunidade autónoma.

Pola súa banda, a directora xeral de Medio Rural, Alejandra Alvarez, destacou o traballo desenvolvido polo CRAEGA e incidiu na importancia da agricultura ecolóxica “como un elemento máis no cuidado non só das persoas e a saúde senon tamén do medio ambiente”.

Dentro da ampla variedade de productos certificados (lácteos, ovos, aceites…) sinalou a boa acollida ós produtos cárnicos e, como novidade, o incremento na producción de conservas de peixe e algas.

No almorzó interviú tamén Ernesto Sánchez, director técnico de CRAEGA, quen salientou a importancia da acreditación concedida pola Entidad Nacional de Acreditación al sello de calidad de CRAEGA

“Se o selo de CRAEGA é o dni que identifica os productos ecolóxicos galegos, que certifica a súa calidade e que son elaborados conforme a legislación vixente en materia ecolóxica, a acreditación de ENAC é o pasaporte que vai permitir impulsar ainda máis a exportación de produtos ecolóxicos galegos a mercados de España, a UE e terceiros paises”, dixo Ernesto Sánchez.

No transcurso do almorzó, Rosa Otero, presidenta da Asociación de Amas de Casa de Galicia, presentou o programa dunas sornadas sobre hábitos laudables e consumo ecotóxico que se celebrarán en Santiago o vindeiro 15 de setembro. “ O obxectivo e dar a coñecer ainda máis a calidade dos produtos ecolóxicos galegos e establecer dun xeito claro a relación entre o seu consumo e o desenvolvemento duns hábitos de vida saudables”.

PROGRAMA XORNADAS INTERNACIONAIS
“CONSUMO SAUDABLE DE ALIMENTOS ECOLÓXICOS”.

Data de celebración: 15 de setembro
Lugar: Paraninfo da facultade de Xeografía e Historia, Santiago de Compostela

10:30 – 10:45 Presentación das xornadas.
10:45 – 11:00 A Certificación ecolóxica no C.R.A.E.GA.
Ernesto Sánchez Salgado, Director Técnico do C.R.A.E.GA.

11:00 – 11:45 A nutrición ecolóxica.
Juan Jiménez Contreras, Doutor en Ciencia e Tecnoloxía dos Alimentos.

11:45 – 12:15 Pausa-Café.

12:15 – 13:00 O etiquetado de produtos agroalimentarios como garantía de calidade.
Jose Manuel García Eive, Xefe do Servizo de Fraudes da Consellería do Medio Rural.

13:00 – 13:45 Comida Orgánica para a nosa saúde e o medio ambiente.
Claude Aubert, Enxeñeiro Agrónomo

13:45 – 15:00 Degustación produtos ecolóxicos.

15:00 – 16:00 Mesa redonda, integrada polos poñentes e productores ecolóxicos.

BIOGRAFIA CLAUDE AUBERT

Ingeniero Agrónomo, pioneiro na prática e divulgación da agricultura ecolóxica en Europa: cofundador do IFOAM, membro destacado de Nature et Progrés e durante 25 anos director da revista “Les Quatre Saisons du Jardinaje”.Periodista, escritor e editor de prestixio internacional, ten publicados máis de 20 libros fruto do seu traballo de investigación, entre os máis recentes "Manger sain pour trois fois rien", "L´esperance de vie, la fin des illusions", "L´art de cuisiner sain", "Bio, raisonnée, OGM, quelle agricultura pour quelle alimentation?", "Faut-il être vegetarien?" e "Otra alimentación es posible"