A Xunta axuda con 40.000 euros a 19 festivais musicais e escénicos afeccionados
A Consellería de Cultura, Educación e Ordenación Universitaria resolveu a concesión dun total de 39.998 euros en axudas ás entidades organizadoras de 19 festivais, mostras, ciclos e certames escénicos e musicais de carácter afeccionado. Esta adxudicación corresponde á nova convocatoria de subvencións que a Agadic (Axencia Galega das Industrias Culturais) puxo en marcha este ano co obxectivo de canalizar o seu apoio ao fomento e a difusión do teatro, a danza e a música desde o ámbito non profesional.
Dos 19 eventos beneficiarios –organizados por entidades municipais, universitarias, asociacións e empresas–, 12 encádranse na categoría de música, mentres que os 7 restantes corresponden a festivais e mostras de teatro amateur.
As contías outorgadas, que esgotan practicamente o orzamento de 40.000 euros reservado para esta convocatoria, oscilan entre os 3.460 euros destinados á XIV Mostra de Teatro Universitario de Galicia que promove a Aula de Teatro da Universidade de Santiago e os 677,60 euros que recibe o XII Certame da Canción Mariñeira do Concello de Laxe.
Adxudicatarios
No apartado de festivais musicais, os 12 adxudicatarios son o XX Festival do Río Castro de San Sadurniño (3.292 euros), XX Festival de Bandas de Música de Galicia de Vila de Cruces (2.712 euros), XX Revoltallo de Música e Cultura Xuvenil de Vigo (2.660 euros), Festival Arteficial de Ribadavia (2.332 euros), o ciclo de concertos Música para Todos do Rosal (2.243 euros), Rosario Orfebre Vocal da Coruña (1.819 euros), Mostra de Música-Danza Salsa na Rúa de Ribeira (1.652 euros), IV Mostra de Corais Vila de Mugardos (1.500 euros), Certame de Bandas de Música de Agolada (1.400 euros), I Festival de Bandas Xuvenís de Santa Cruz de Ribadulla en Vedra (1.026 euros), As Notas do Pemento-1º Festival de Música de Herbón en Padrón (873 euros) e o devandito XII Certame da Canción Mariñeira do Concello de Laxe (677,60) euros.
En canto ao ámbito escénico, ademais da XIV Mostra de Teatro Universitario de Galicia con 3.460 euros, os eventos que reciben axuda son os Ciclos de Outono da Federación Galega de Teatro Afeccionado en Santiago (2.779 euros), Terceira Semana de Teatro Popular Vila de Sarria (2.700 euros), II Mostra de Teatro Afeccionado do Teatro Colón da Coruña (2.578 euros), XIV Mostra Internacional de Teatro Amador de Palas de Rei (2.500 euros), Festival de Teatro Amador Esténarúa de Ferrol (2.243 euros) e De Perto-Espazos de Cultura no Barco de Valdeorras (1.551 euros).
Investimentos
Os festivais, celebrados todos eles desde o 1 de xaneiro de 2013 e ata o vindeiro 31 de outubro, destinarán estas contías a financiar unha serie de gastos subvencionables, entre os que se atopan aqueles relacionados coa difusión e a publicidade do evento, o alugamento de espazos e de servizos e equipamentos técnicos, os cachés dos grupos e compañías, a dotación de premios e os gastos de viaxes e aloxamento dos participantes nas diferentes actividades.
A través desta nova liña de axudas, a Agadic busca enmarcar nunha convocatoria pública, regular e sistematizada, o seu apoio ao importante labor de fomento e de creación de públicos que se realiza desde o terreo amateur. Xa no ámbito profesional, a Axencia Galega das Industrias Culturais resolveu o pasado mes de setembro a súa convocatoria de axudas a festivas profesionais de escena e música, a través da que este ano destinou 360.000 euros a apoiar un total de 17 eventos.
A resolución desta convocatoria pode consultarse nas seccións de avisos e de axudas da web da Agadic (www.agadic.info [nova venta] ).
Dos 19 eventos beneficiarios –organizados por entidades municipais, universitarias, asociacións e empresas–, 12 encádranse na categoría de música, mentres que os 7 restantes corresponden a festivais e mostras de teatro amateur.
As contías outorgadas, que esgotan practicamente o orzamento de 40.000 euros reservado para esta convocatoria, oscilan entre os 3.460 euros destinados á XIV Mostra de Teatro Universitario de Galicia que promove a Aula de Teatro da Universidade de Santiago e os 677,60 euros que recibe o XII Certame da Canción Mariñeira do Concello de Laxe.
Adxudicatarios
No apartado de festivais musicais, os 12 adxudicatarios son o XX Festival do Río Castro de San Sadurniño (3.292 euros), XX Festival de Bandas de Música de Galicia de Vila de Cruces (2.712 euros), XX Revoltallo de Música e Cultura Xuvenil de Vigo (2.660 euros), Festival Arteficial de Ribadavia (2.332 euros), o ciclo de concertos Música para Todos do Rosal (2.243 euros), Rosario Orfebre Vocal da Coruña (1.819 euros), Mostra de Música-Danza Salsa na Rúa de Ribeira (1.652 euros), IV Mostra de Corais Vila de Mugardos (1.500 euros), Certame de Bandas de Música de Agolada (1.400 euros), I Festival de Bandas Xuvenís de Santa Cruz de Ribadulla en Vedra (1.026 euros), As Notas do Pemento-1º Festival de Música de Herbón en Padrón (873 euros) e o devandito XII Certame da Canción Mariñeira do Concello de Laxe (677,60) euros.
En canto ao ámbito escénico, ademais da XIV Mostra de Teatro Universitario de Galicia con 3.460 euros, os eventos que reciben axuda son os Ciclos de Outono da Federación Galega de Teatro Afeccionado en Santiago (2.779 euros), Terceira Semana de Teatro Popular Vila de Sarria (2.700 euros), II Mostra de Teatro Afeccionado do Teatro Colón da Coruña (2.578 euros), XIV Mostra Internacional de Teatro Amador de Palas de Rei (2.500 euros), Festival de Teatro Amador Esténarúa de Ferrol (2.243 euros) e De Perto-Espazos de Cultura no Barco de Valdeorras (1.551 euros).
Investimentos
Os festivais, celebrados todos eles desde o 1 de xaneiro de 2013 e ata o vindeiro 31 de outubro, destinarán estas contías a financiar unha serie de gastos subvencionables, entre os que se atopan aqueles relacionados coa difusión e a publicidade do evento, o alugamento de espazos e de servizos e equipamentos técnicos, os cachés dos grupos e compañías, a dotación de premios e os gastos de viaxes e aloxamento dos participantes nas diferentes actividades.
A través desta nova liña de axudas, a Agadic busca enmarcar nunha convocatoria pública, regular e sistematizada, o seu apoio ao importante labor de fomento e de creación de públicos que se realiza desde o terreo amateur. Xa no ámbito profesional, a Axencia Galega das Industrias Culturais resolveu o pasado mes de setembro a súa convocatoria de axudas a festivas profesionais de escena e música, a través da que este ano destinou 360.000 euros a apoiar un total de 17 eventos.
A resolución desta convocatoria pode consultarse nas seccións de avisos e de axudas da web da Agadic (www.agadic.info [nova venta] ).
Gabinete de Comunicación da Xunta de Galicia
