La segunda mujer, gañadora da Sección Oficial da XXXVI Semana de Cine de Lugo

Ao remate da XXXVI edición da Semana de Cine de Lugo, o Grupo
Fotocinematográfico Fonmiñá quere agradecer a súa xenerosa aportación a todos os que fixeron posible que fose un éxito.
Aportación especial a que fixo o público de Lugo ao acudir ás diversas proxeccións en número máis que notable, tanto no Auditorio Gustavo Freire –pazo do festival- coma no resto das salas de exhibición: Biblioteca Nodal, Vicerreitorado da Universidade, Deputación Provincial, Museo Provincial e Museo interactivo da historia lucense (MIHL).

No Auditorio (valorando de xeito moi importante a “Sección oficial” e “O mellor do ano”), compre destacar especialmente a asistencia ás sesións infantís, tanto a inicial do luns coa proxección de “O Apóstolo” como a do resto dos días, ás seis da tarde, que en conxunto superaron amplamente os tres mil asistentes. Colleitaron un éxito de público os ciclos “Arte de cine”, que se exhibiu no Museo Provincial, e “E para comer... Lugo”, na Biblioteca Nodal, sendo tamén moi importante a asistencia ás proxeccións de
curtametraxes tanto no Vicerreitorado coma no Mihl.

Agradecemento especial tamén para os organismos e entidades que
copatrocinan a Semana: Deputación Provincial de Lugo/Vicepresidencia, Concello de Lugo, Xunta de Galicia, Universidade-Campus de Lugo, Fundación TIC e Autogándara. E recoñecemento aos medios informativos pola extraordinaria difusión que fixeron desta edición da Semana Internacional de Cine de Autor de Lugo. Gracias a todos.

Acompáñase o resultado das votacións do público asistente
en relación coas películas exhibidas na sección oficial e as de
curtametraxes.

SECCION OFICIAL: (Puntuación de 0 a 3).

LA SEGUNDA MUJER (2,32).
EL RAYO (2,13).
GLORIA (2,11).
LA MUJER DEL CHATARRERO (1,78).
SISTER (1,61).

AS CURTAS TAMÉN SON CINE (CURTAMETRAXES): (Puntuación de 0 a 5).

LAS CASITAS (4,60).
FLORES PARA AMALIA (4,53).
ESTOCOLMO (4,39)
AMOR A PRIMERA VISTA (4,35).
MINIATURAS (4,26).
CUERDAS (4,18).
La película lucense presentada en esta sección "V.H.S." obtuvo unha puntuación de 3,41.