Encontro de Infancia e Educación Social: implicacións no traballo cotián dos cambios lexislativos

Está dirixido a educadoras/es sociais, outros profesionais do ámbito da Infancia, estudantes de titulacións do eido social e educativo, particulares interesados nestes campos… O obxectivo é analizar as implicacións que supón a reforma lexislativa que se está plantexando a nivel estatal no tocante ao sistema de protección de menores, que afectará ao traballo cotián e ao funcionamento dos recursos de atención á infancia en situación de risco e desamparo.

Entre outros, contará coa presenza de Jaume Funes, psicólogo, educador e xornalista especializado no mundo da infancia e adolescencia e as súas dificultades sociais, que ten realizado diversas investigacións e escrito varios libros e numerosos artigos sobre este tema, e que ostentou o cargo de defensor dos dereitos da infancia en Cataluña entre 2004 e 2006.