Skip to main content

Noticias

  • A Fundación Camilo José Cela conmemora os 30 anos da concesión do Premio Nobel ao escritor galego
    A Fundación Galega Camilo José Cela conmemorará con diversos actos neste 2019 o 30 aniversario da concesión do premio Nobel ao escritor padronés. Como comezo desta programación mañá, o cemiterio de Santa María de Adina acollerá unha ofrenda floral, ás 11,30 horas, na que participarán a directora xeral de Patrimonio Cultural, María del Carmen Martínez Insua, o alcalde do Concello de Padrón, Antonio Fernández Angueira, e o alumnado do IES Blanco Amor de Ourense que procederá á lectura dun texto do autor galego. Neste acto participará tamén Anxo Angueira, presidente da Fundación Rosalía de Castro, coa que a Fundación Pública chegou a un acordo de colaboración neste 2019.
  • O sector da automoción galega participa no CES Las Vegas, a maior feira da electrónica a nivel mundial
    CES, o evento anual no que se presentan as innovacións tecnolóxicas de próxima xeración no mercado, é punto de encontro para máis de 4.400 empresas da industria electrónica e 180.000 profesionais de ao redor de 155 países do mundo. Nesta edición coñeceranse os avances do sector con respecto á rede de quinta xeración ou 5G deseñada para facilitar a implementación do internet das cousas. O sector de automoción destaca por ser un dos máis relevantes para a economía galega, como poñen de manifesto os datos das exportacións das empresas do automóbil que nos dez primeiros meses do 2018 aumentaron nun 12,8% cun valor de 4.518,6 millóns de euros.
  • O programa de residencias do CDG presenta no Salón Teatro tres pezas de Proxecto Pank con Funboa Escénica
    O programa de residencias artísticas que o Centro Dramático Galego mantén na súa sede do Salón Teatro, en Santiago de Compostela, achegaralle ao público tres pezas escénicas asinadas por Proxecto Pank e Funboa Escénica. Este Ciclo Pank 2019 arrancará co espectáculo Masa madre + Sal marina, que o binomio creativo formado por Cristina Balboa e Manuel Parra García representará este venres 11 e o sábado 12 de xaneiro, ás 20,30 h. O domingo 13, o pano levantarase ás 18,00 h. para Eso que vi, mentres que o xoves 17, ás 20,30 h., Cristina Balboa compartirá cos espectadores o traballo creativo arredor de O que segue, a súa nova proposta, en proceso de desenvolvemento.
  • Médicos, enfermeiros, farmacéuticos e traballadores sociais de todas as áreas sanitarias comezaron hoxe as reunións para traballar nun novo modelo de atención primaria
    O edificio administrativo do Sergas acolleu as primeiras xuntanzas dos grupos específicos de traballo propostos polo Sergas para adoptar decisións compartidas cos profesionais na reformulación do modelo de atención primaria. Máis de sesenta profesionais, de distintas categorías e de todas as áreas sanitarias, comezaron hoxe a traballar nos distintos grupos co obxectivo de abordar propostas a curto, medio e longo prazo coas que afrontar o reto do envellecemento poboacional e as dificultades para dispoñer de profesionais que afectan ao conxunto do Sistema Nacional de Saúde.
  • Inaugurada en Portomarín a mostra itinerante que conmemora os 25 anos do Camiño Francés como Patrimonio Mundial
    Inaugurada hoxe no concello lucense de Portomarín a exposición itinerante que conmemora o 25 aniversario da inclusión do Camiño Francés na Lista Indicativa do Patrimonio Mundial da Unesco. A mostra fotográfica realiza unha retrospectiva sobre este fito que, no contexto do Xacobeo 93, marcou un antes e un despois na peregrinación a Compostela. Ao longo deste cuarto de século o Camiño Francés avanzou de maneira notable en todos os aspectos relativos á súa xestión e posta en valor.
  • Entregados os Premios Artesanía de Galicia 2018 á creatividade e á innovación dos profesionais do sector
    Os galardóns que hoxe se entregaron contan con tres categorías: Premio Artesanía de Galicia 2018 (dirixido a obradoiros artesáns que representen as liñas desexadas para unha artesanía competitiva no mercado actual); Premio Traxectoria, de carácter honorífico (recoñecemento proposto polo propio sector); e Bolsa Eloy Gesto, que busca potenciar o relevo xeracional no sector, o acceso de novos talentos á artesanía e a súa profesionalización
  • Os desafíos do sector de produtos do mar centrarán a conferencia final do proxecto Primefish, que organiza a Fundación Cetmar en Vigo
    O Centro Tecnolóxico do Mar organiza a conferencia final do proxecto europeo PrimeFish, un evento internacional que xirará arredor dos desafíos do mercado de produtos do mar e que reunirá na sede Afundación en Vigo o vindeiro 30 de xaneiro a representantes de todas as partes interesadas deste sector. A conferencia final servirá como plataforma de lanzamento do prototipo de software orientado ao mercado especializado de productos do mar, baseado en big data e innovación.
  • O IES Terras de Trasancos de Narón e o CPI do Toural de Vilaboa, galardoados na no Premio de Educación para o Desenvolvemento 'Vicente Ferrer'
    Na X edición do Premio de Educación para o Desenvolvemento 'Vicente Ferrer' foron galardoados o IES Terras de Trasancos de Narón (A Coruña), por un proxecto titulado 'Árbore de Trasancos' e o CPI do Toural de Vilaboa (Pontevedra), polo proxecto titulado 'Mellores persoas para o mundo'. Este premio recoñece cada ano a quince centros docentes públicos pola realización de accións, experiencias educativas, proxectos ou propostas pedagóxicas destinadas a sensibilizar, concienciar e desenvolver o espírito crítico.
  • Galicia é a comunidade máis solidaria de España, con máis de 7.700 voluntarios activos
    Galicia é a comunidade máis solidaria de España, con máis de 7.700 voluntarios activos, un 35% máis que en 2016; dos cales seis de cada dez son mulleres e máis das tres cuartas partes son menores de 20 anos. Galicia é, ademais, a única comunidade autónoma e a única rexión europea que certifica a acción voluntaria. O voluntariado galego está a responder ás necesidades específicas da Comunidade a través, por exemplo, do programa de acompañamento a persoas maiores de 65 anos que viven soas; e do desenvolvemento dun programa de voluntariado para a prevención e a concienciación nas zonas máis afectadas pola lacra dos incendios forestais.
  • Achádego Teatro finaliza novembro con tres xornadas de 'experiencias teatrais'
    O Actor Tamár Novas, o Director Jorge Coira ou o dramaturgo Sergi Belbel, entre outros, falarán de creación, actuación e creación de ficción en Galicia. Forma parte do amplio programa organizado para conmemorar o 30 aniversario de Achádego Teatro. Todas as conferencias terán lugar no Auditorio do Vello Cárcere de Lugo ás 20:00 e ás 18:00. Achádego Teatro quere celebrar esta especial festa do teatro invitando a reflexión sobre a situación actual da actuación, producción, e escritura en ficción. Para iso organiza estas 'Xornadas teatrais' nas que participan un total de 10 ponentes relacionados co mundo da actuación.