Skip to main content

Notas

  • Rosario Álvarez, Francisco Fernández Rei e Manuel González reciben a homenaxe do ILG no seu 50 aniversario
    O Instituto da Lingua Galega (ILG) pon o colofón á semana da celebración dos seus 50 anos de historia cunha homenaxe a tres dos seus máis senlleiros investigadores: Rosario Álvarez Blanco, Francisco Fernández Rei e Manuel González González. Ao longo de catro xornadas interviñeron diversos colaboradores do ILG de universidades de Galicia, Portugal, Brasil e Suíza e tres investigadores novos da institución.
  • O Obradoiro Internacional de Tradución Poética da Illa de San Simón cumpre unha década con novas linguas
    Vén de botar a andar este pasado luns 18 a X edición do Obradoiro Internacional de Tradución Poética “Con barqueira e remador”, que se celebra ao longo dunha semana de outubro na illa de San Simón. Fundado e coordinado pola tamén poeta e xestora cultural Yolanda Castaño dende hai unha década, a iniciativa desenvolvera unha edición en liña o pasado ano e neste 2021 volve á presencialidade, xustamente dende a que fora illa de corentena en certos períodos da historia.
  • A Biblioteca municipal de Miño acolle a exposición itinerante sobre Manuel Rodríguez López
    Tivo lugar na Biblioteca municipal de Miño (A Coruña) a presentación da exposición MANUEL RODRÍGUEZ LÓPEZ, sobre a vida e obra do escritor de Paradela. Ademais, presentouse o libro "Manuel Rodríguez López, 25 anos despois", que recolle traballos de 50 personaxes destacados da cultura galega sobre a figura de Manolo Rodríguez.
  • Emprendedoras de Alemaña e Bélxica afianzan en Ourense as súas ideas de negocio
    Desde setembro de 2019, a Universidade de Vigo e a Confederación Empresarial de Ourense (CEO) participan no proxecto europeo Women Entrepreneurs in Action WE'RE IN! (Mulleres Emprendedoras en Acción), que busca fomentar o emprendemento desde unha perspectiva de xénero. No marco das súas accións, esta semana un grupo de emprendedoras de Alemaña e Bélxica están en Ourense para continuar madurando os seus proxectos.
  • Preto de 120 especialistas en bioseguridade debaten en Pontevedra como facer fronte á presente e ás futuras pandemias
    A pandemia da covid-19 situou en primeiro plano o concepto de bioseguridade, que fai referencia a toda unha serie de normas, tecnoloxías e procedementos que se aplican para previr a exposición non intencionada a axentes biolóxicos e toxinas e que constitúe o eixo central do congreso que a Asociación Española de Bioseguridad (AEBioS) inaugurou este xoves en Pontevedra.
  • Play-Doc celebra a súa 17ª edición, marcada por un 'fondo carácter internacional, exclusivo e inédito'
    Este mércores da comezo a 17ª edición do Festival Internacional de Cine de Tui, Play-Doc. O co-director do certame, Ángel Sánchez, presentou a programación, nun acto celebrado no Teatro Municipal de Tui e no que estivo acompañado polo alcalde da localidade tudense, Enrique Cabaleiro; a deputada provincial de Cultura, María Victoria Alonso, e o xefe territorial da Consellería de Cultura, Educación e Universidade en Pontevedra, César Pérez.
  • Presentado o libro 'Cinepoemas', de Claudio Rodríguez Fer, en edición especial para a Semana de Cine de Lugo
    Como un dos actos previos ao comezo da XLIII Semana de Cine de Lugo, que organiza o Grupo Fonmiñá, foi presentada a edición especial de CINEPOEMAS, de Claudio Rodríguez Fer. Cinepoemas publicouse inicialmente no ano 1973 por Edicións Xerais de Galicia, como un paseo poético pola historia do cine dende Charlot a Woody Allen, como unha revisión dos mitos da sétima arte dende Frankenstein a Marilyn Monroe.
  • O Colectivo Egeria presenta a exposición itinerante 'Aquela nena de Sarria' en Miño
    Foi presentada na Biblioteca pública municipal de Miño (A Coruña) a exposición 'Aquela nena de Sarria', na honra de Xela Arias, por térselle dedicado este ano o Día das Letras. No acto participaron o Alcalde de Miño, Manuel Vázquez Faraldo; Pura Galán Voutureira, en representación da Secretaría Xeral de Política Lingüística; a pintora e ilustradora lucense Sabela Arias, e o presidente de Egeria, Xulio Xiz.
  • VIII edición do Caxato de Avelino
    O 20 de agosto, cadrando coa data do pasamento de Avelino Pousa Antelo, na Casa do Concello de Teo (A Coruña), no auditorio Constante Liste, ás 12:00 horas, a Irmandade Avelino Pousa, xunto coa Irmandade Manuel María e a AC Xermolos, farán recoñecemento do VIII Caxado de Avelino ás irmás Marica e Tereixa Campo, pola íntima afectividade, amizade e lealdade a Avelino Pousa Antelo. Este recoñecemento cada ano baséase precisamente na valoración de afecto, relación limpa e lealdade á persoa de AVELINO POUSA.
  • O Colectivo Egeria presenta a exposición 'Sempre en Foz, Suso Fernández'
    O Colectivo Egeria vén de desenvolver a exposición-homenaxe a Suso Fernández ou Suso do Bahía, Fillo Predilecto do Concello de Foz, onde tamén foi Cronista oficial e destacado activista cultural, social e informativo. Esta mostra foi presentada o pasado xoves no Centro de Interpretación da Mariña (CENIMA), en Foz, nun acto no que particiaron o homenaxeado, o alcalde de Foz, Fran Cajoto, e o presidente do Colectivo Egeria, Xulio Xiz, ademais dun grupo de amigos e familiares de Suso Fernández.