Skip to main content

Noticias

  • Megumi Shiozawa, a Federación Provincial de Mulleres Rurais de Ourense e a Rede Mulleres Veciñais contra os Malos Tratos de Vigo recibirán o 8 de Marzo as Medallas Emilia Pardo Bazán
    Celebrarase a cerimonia de entrega das Medallas Emilia Pardo Bazán, que na última edición recoñeceron a Megumi Shiozawa —a título póstumo—, á Federación Provincial de Mulleres Rurais de Ourense e á Asociación Rede Mulleres Veciñais Contra os Malos Tratos de Vigo, nun acto previsto este 8 de Marzo, Día Internacional da Muller. O Goberno galego propón celebrar o acto de entrega nos xardíns do Pazo de Meirás polo seu simbolismo e a vinculación do mesmo coa escritora Emilia Pardo Bazán que dá nome aos galardóns e loitou pola igualdade nos seus tempos. Para iso xa solicitou ao Goberno central o uso das instalacións para a celebración da cerimonia.
  • A Cidade da Cultura achegará a exposición 'As miradas de Isaac' aos estudantes a través de visitas por videoconferencias
    O Museo Centro Gaiás da Cidade da Cultura bota a andar hoxe as visitas didácticas a través de videoconferencias para explicar e dar a coñecer a exposición As miradas de Isaac aos centros escolares. Neste intre, xa están inscritos preto de 30 colexios. No entanto, a previsión é que, a través da 70 emisións en liña programadas ata o 26 de marzo, sexan máis de 2.000 rapaces e rapazas os que poidan afondar –sen necesidade de saír da aula– na vida e proxectos dunha figura tan importante para a historia da cultura galega do século XX como foi Díaz Pardo.
  • A Rede Galega de Teatros e Auditorios ofrece ata xuño 334 actuacións escénicas e musicais en 40 concellos
    A Rede Galega de Teatros e Auditorios (RGTA), circuíto de distribución de espectáculos, ofrece para este primeiro semestre de 2021 unha intensa actividade escénica e musical con 334 actuacións de 114 compañías programadas en 45 escenarios de 40 concellos galegos e unha inversión total en contratacións que supera o millón de euros. Así o declarou Jacobo Sutil, director da Axencia Galega das Industrias Culturais, na presentación realizada para dar conta da carteleira concreta de Ames, un dos municipios adheridos a esta rede cultural, á que achega de xaneiro a xuño 13 funcións e concertos a cargo de 12 agrupacións artísticas galegas.
  • A primeira edición dos Premios Galicia de Acción Voluntaria homenaxea o traballo das persoas voluntarias durante a pandemia
    Entregáronse os galardóns aos gañadores da primeira edición dos Premios Galicia de Acción Voluntaria, que nacen co obxectivo de homenaxear o traballo das persoas voluntarias durante a pandemia. O acto de entrega tivo lugar na cidade herculina. A conselleira de Política Social, Fabiola García, sinalou que Galicia é un lugar máis “agradable e solidario” gracias ao labor que realizan de xeito desinteresado e silencioso as máis de 9.000 voluntarias e voluntarios que participan nos programas postos en marcha pola Xunta.
  • Entregados os Premios Agader, que chegan á súa undécima edición
    Na categoría de mocidade, a premiada foi a sociedade limitada Fontes de Mané, polo seu campamento turístico Cabanas da Ulla e a súa combinación de servizo de aloxamento con actividade forestal no concello coruñés de Touro. En canto aos proxectos culturais e de recuperación patrimonial, resultou distinguida a iniciativa de recuperación do patrimonio material e inmaterial da aldea de Puxedo, a cargo da asociación de veciños desta aldea de Lobios, en pleno Parque Natural Baixa Limia Serra do Xurés. No apartado de interese social recibiu o premio o centro de prestación de servizos a persoas con discapacidade intelectual Aspadeza.
  • O CGAI avanza na súa homenaxe a directoras pioneiras e inicia unha retrospectiva sobre o cine negro de Robert Siodmak
    A programación que o Centro Galego de Artes da Imaxe (CGAI-Filmoteca de Galicia) desenvolve na súa sede da Coruña avanza este mes na súa homenaxe ás pioneiras do cinema, dedicándolle tres sesións a Lois Weber, quen tras comezar a súa traxectoria como actriz, se converteu na primeira muller en dirixir unha longametraxe e nunha activa realizadora durante a segunda década do século XX. Tamén en decembro dá comezo unha ampla retrospectiva dos filmes do director xermano-estadounidense Robert Siodmak, un dos mestres do cinema negro e responsable do seu renacer en Hollywood.
  • Galicia e o Norte de Portugal apostan pola cooperación transfronteiriza no ámbito da economía azul
    Galicia e o Norte de Portugal defenden a cooperación transfronteiriza en tódolos sectores vinculados ao mar e á actividade marítima. Así o explicou a subdirectora da Agrupación Europea de Cooperación Territorial (AECT) da Eurorrexión Galicia-Norte de Portugal, Graça Fonseca, nunha mesa redonda online con máis de 150 participantes na que incidiu no compromiso da institución coa cooperación no ámbito da economía azul. A mesa redonda celebrouse no marco do Business2Sea 2020, organizado por Fórum Oceano e o Centro Tecnolóxico do Mar-Fundación Cetmar coa colaboración da AECT da Eurorrexión.
  • Agasol e Amtega lanzan a terceira edición do ciclo de conversas con mulleres referentes no ámbito dixital para impulsar as vocacións STEM
    A Asociación Galega de Empresas de Software Libre e a Axencia para a Modernización Tecnolóxica de Galicia, lanzan a terceira edición do programa 'GIRL STEM: derrubando estereotipos', enmarcado no Plan de Promoción do Talento Dixital, que busca a reducir a fenda de xénero que existe entre mulleres e homes nos estudos nos campos STEM (Ciencia, Tecnoloxía, Enxeñería e Matemáticas), nas que o alumnado feminino representa un 29% do total de persoas matriculadas. Este ano o programa se transforma nunha acción dixital e pedagóxica para adaptarse ás circunstancias actuais, pero tamén para avanzar cara dinámicas máis eficaces que acheguen recursos cos que traballar de forma transversal nas aulas galegas.
  • A aceleradora aeronáutica BFAero bate récord de participación con 85 proxectos que optan a entrar na súa terceira edición
    Un total de 85 proxectos aplicables ao sector aeronáutico e dos vehículos non tripulados optan a formar parte da terceira edición da Business Factory Aero (BFAero), impulsada pola Xunta dentro do polo aeroespacial de Galicia, tras pecharse o prazo de presentación de solicitudes. Así, a aceleradora bate o seu récord de participación e practicamente duplica as cifras das dúas anteriores convocatorias, nas que se inscribiran 54 e 40 proxectos seleccionables, respectivamente.
  • O Centro Dramático Galego acolle tres espectáculos de cine ao vivo e teatro visual do colectivo multidisciplinar Cinema Sticado
    O Salón Teatro de Santiago de Compostela acolle por primeira vez os espectáculos completos de Cinema Sticado coa representación a partir de mañá e ata o domingo día 25 de tres montaxes que mesturan artes visuais, teatrais e performativas, cine ao vivo, teatro de obxectos e audio e vídeo en tempo real música en directo, características do estilo deste colectivo artístico multidisciplinar. As dúas primeiras propostas forman parte da serie de cine ao vivo STRPTS: Episodio 1: Mirlo&Rula, que se representará o venres ás 20,30 h., e Fin de tempada, que poderá verse o sábado á mesma hora. A terceira das propostas, PYKA: o corazón na eclipse, é un espectáculo de teatro visual que chegará aos espectadores o domingo ás 18,00 h.