Notas
-
Tivo lugar hoxe a mesa inaugural do 'Foro da Cooperación Municipalista da Lusofonía: os municipios, pezas clave do desenvolvemento', que acolle a Escola Galega de Administración Pública - EGAP ata mañá, promovido polo Fondo Galego de Cooperación e Solidariedade, entidade nacida no ano 1997, produto da vontade integradora das políticas de cooperación para o desenvolvemento no ámbito da cooperación oficial descentralizada local. -
No Auditorio do centro social Afundación de Vigo deuse a coñecer o ditame da cuadraxésima segunda edición dos Premios da Crítica de Galicia na súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica. -
'Calidade 4.0'. Este é o lema do Día Mundial da Calidade 2019 que se celebra o xoves 7 de novembro e que, como é habitual, Expourense conmemora organizando unha Xornada de Exaltación e entregando os IX Premios “Líderes en Calidade” a empresas e institucións galegas recoñecidas por ser un modelo a seguir nos seus respectivos sectores e das que destaca o seu compromiso coa Calidade e co Medio Ambiente. -
Celebrouse no cemiterio de Boisaca a ofrenda floral con motivo do 20º cabodano do pasamento de Antonio Fraguas organizada polo Museo do Pobo Galego e a Asociación do Traxe Galego. O acto enmárcase na ampla programación que se desenvolveu ao longo do ano para divulgar e dar visibilidade ao Día das Letras Galegas dedicado a este autor. Fraguas foi membro do Seminario de Estudos Galegos e das Irmandades da Fala, así como director do Museo do Pobo Galego e Cronista Xeral de Galicia.
-
Este domingo vai presentar o seu novo traballo discográfico ‘Cántigas e Frores 70 Anos’, un libro-cd con 15 pezas gravadas polos grupos da entidade: Cantareiros, Murga, Coro Galego, Grupo de Cantareiras e Banda de Gaitas e Percusión. Este audio ven acompañado dun libreto que recolle a historia en imaxes dende a fundación da entidade (1948) ata a gravación. -
O venres 23 de outubro, ás sete da tarde no salón de actos do Centro Cultural Vello Cárcere (Av. Alcalde Anxo López Pérez, 34), celebrarase a Gala dos Premios Mestra e Mestre da Memoria, títulos concedidos a Dorothé Schubart e a Pablo Quintana, e o sábado, a partir das dez horas e no salón de actos do edificio da Deputación de Lugo, desenvolverase a XII Xornada de Literatura Oral co tema «Rimas e letras da música popular. Do romanceiro tradicional ao bravú». -
É a primeira vez que o organismo pon en marcha unha acción promocional a través de Internet. Concebido como un relato audiovisual de tres capítulos, o seu leitmotiv é grabar a marca Craega na mente do consumidor. Tamén haberá publicidade offline nas rúas das principais cidades e un programa con actividades a pé de rúa. -
Presentouse ademais o primeiro vídeo desta campaña, protagonizado por Carmen Rodríguez, vicepresidenta de Clun e coordinadora do grupo Mulleres de Seu da Cooperativa. O vídeo é o primeiro dunha serie de catro, nos que se presentarán a experiencia doutras mulleres do rural para dar a coñecer a súa historia e experiencias para manter un rural vivo e activo. -
‘Visións sobre o dano cerebral adquirido no cinema’ é unha aproximación fílmica ao tratamento da inclusión e da discapacidade do cine. Seis sesións, dúas cidades e tres películas nas que se aborda, desde diferentes puntos de vista, o dano cerebral adquirido. Todas as proxeccións comezan co pase dun vídeo elaborado por FEGADACE e o ilustrador Miguel Gallardo, ‘O mundo púxose ao revés’, e rematan cunha sesión de debate sobre a relación entre a película e o tratamento que fai da discapacidade. -
O vindeiro 15 de outubro, inaugurase na Fundación Eugenio Granell unha exposición de retratos realizados polo artista surrealista, 'Homenaxe a Amparo. Retratos de compañeiros no exilio e outros'. A exposición iniciase na Sala Amparo do segundo andar do Museo Granell. O pintor, autodidacta, mostra que non só triunfou no surrealismo senón que, igualmente, tiña un ollo incríble a hora de retratar a Amparo, a súa musa, así como a varios dos seus amigos do exilio.
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »
