Skip to main content

Notas

  • Trece Concellos participarán en 'Tecendo Soños', un proxecto de recuperación e divulgación do canto de arrolar
    Trece Concellos das comarcas do Barbanza e Santiago participarán nos próximos meses en “Tecendo Soños”, un proxecto de recuperación e divulgación do canto de arrolar dirixido pola soprano noiesa Esperanza Mara. Unha iniciativa que nace co patrocinio dos Concellos de Brión, Lousame, Muros, Noia, Outes, Padrón, Rianxo, Ribeira e Rois, e coa colaboración dos Concellos de A Pobra do Caramiñal e Porto do Son.
  • O III Congreso de Estudos Internacionais 'Galicia e a lusofonía diante dos desafíos globais' terá lugar os días 27 e 28 de marzo en Pontevedra
    O espazo humano da lusofonía implica unha comunidade humana que supera os 250 millóns de habitantes, dinámica no económico e cultural, plural e diversa, unida desde a lingua portuguesa e as súas variantes, a historia e as particularidades propias de cada quen. O contexto do século XXI e as dinámicas da globalización na sociedade internacional, están no xermolo destes procesos de organización global.
  • O Ourense Film Festival convoca o concurso de longametraxes da súa 24ª edición
    A 24ª edición do Ourense Film Festival celebrarase do 27 de setembro ao 5 de outubro e a súa sede oficial será o centro cultural "Marcos Valcárcel" da Deputación de Ourense. En canto á convocatoria da sección oficial de longametraxes, as bases recollen que poderán concursar as persoas físicas ou xurídicas (produtoras, distribuidoras...) que posúan o debido control legal sobre as obras que presenten á competición.
  • Nas Verzas, un festival punk e feminista en Vigo
    O colectivo de mulleres artistas 85C ultima a segunda edición do festival punk e feminista: Nas Verzas, máis duras cós cañotos das verduras, que este ano ofrecerá un mercadiño, actuacións na rúa, varios concertos e pinchadas, obradoiros e un faladoiro. Unha grande cita cultural que terá como pano de fondo a relación entre o rural galego e a escena máis underground do garaxe e do punk. "O noso lema fai lembranza ás nosas avoas, esas bravas que loitan cada día na súa casa, no campo, coa súa familia…"
  • O IGADI organiza as xornadas "Acción Exterior e Imaxe global de cidades" no Concello da Coruña o próximo 21 de marzo
    A natureza dos municipios e do goberno local mudou de maneira moi significativa nos últimos trinta anos, tanto a nivel galego coma global estas mudanzas son produto da rapidísima urbanización, a descentralización política-admtva e a multiplicación das interdependencias globais. Este novo escenario configura as cidades actuais coma figuras concretas no marco histórico da globalización e a explosión das Tics.
  • A Fundación Paideia promove as bandas emerxentes a través do concurso Sonidosmans
    O concurso para músicos e bandas emerxentes SonidosMans acaba de abrir a convocatoria da súa terceira edición, organizada de novo pola Fundación Paideia Galiza coa colaboración da Consellería de Cultura e Turismo a través da Axencia Galega das Industrias Culturais (Agadic). O obxectivo é facilitarlles aos grupos e solistas que están a comezar a súa carreira unha plataforma de difusión do seu traballo.
  • A Cidade da Cultura acollerá o 7 de abril a carreira solidaria de Manos Unidas en Galicia para celebrar os 60 anos desta ONG
    A Cidade da Cultura acollerá o domingo 7 de abril a carreira solidaria que Manos Unidas organiza en Galicia para celebrar os 60 anos desta ONG e que se realizará, de xeito simultáneo, o mesmo día en preto de 40 localidades españolas. A inscrición nesta carreira solidaria de Manos Unidas está aberta ata o 2 de abril e o pecorrido na Cidade da Cultura será de 2,5 quilómetros. O punto de saída será na intervención artística da Bóla de Libros.
  • Concerto de María do Ceo como colofón ás actividades paralelas á mostra 'Sonoro empeño'
    O período expositivo de «Sonoro empeño. A música nas coleccións ABANCA e Afundación» producida por Afundación, a Obra Social de ABANCA, chega ao seu fin e faio cun concerto a cargo de Maria do Ceo, quen presentará o seu novo disco, A fadista. O recital será o vindeiro 1 de marzo, a partir das 19.00 h na Sala de exposicións da Sede Afundación da Coruña (Cantón Grande, 8), e as entradas xa se esgotaron.
  • Hectómetro literario para Alfonso Blanco Torrado
    Este sábado, no Paseo dos Soños de Vilalba vaise erixir o Hectómetro Literario correspondente a Alfonso Blanco Torrado, crego e promotor cultural, que desde a súa chegada de Ponteceso a Guitiriz hai máis de corenta anos, revolucionou a cultura da Terra Chá, dando vida a incontables iniciativas entre as que destaca con luz propia o Festival de Pardiñas. Intervirán persoeiros das letras e da cultura, xente de Xermolos, a alcaldesa de Guitiriz e o Alcalde de Vilalba, o gaiteiro Raul Galego e o cantautor Miro Casabella.
  • Inaugúrase en Santiago de Compostela a exposición 'IMAXE E PALABRA', de Aspnais
    O un de febreiro, na Biblioteca Ánxel Casal de Santiago, inaugúrase oficialmente a exposición IMAXE E PALABRA, organizada por Aspnais (Asociación lucense de pais e titores de persoas con discapacidade intelectual) con motivo do Cincuentenario desta entidade. Durante as celebracións do Cincuentenario, arredor de douscentos lucenses visitaron as instalacións da entidade, conviviron cos usuarios de Aspnais, e difundiron as súas vivencias.