Skip to main content

Notas

  • A Deputación da Coruña organiza unha feira e un programa de encontros con artistas do mundo da ilustración
    Artistas, público, editoriais, institucións e librarías daranse cita a vindeira fin de semana na Feira de Edición e Libro Ilustrado (FëLiiC) e os encontros Open Miic que a Deputación da Coruña organiza como actividades paralelas á Mostra Internacional de Ilustración Contemporánea en Santiago de Compostela.
  • Presentación do ensaio Golpistas e verdugos de 1936
    Este mércores o Ateneo de Santiago e Histagra Grupo de Investigación da USC presentarán o último ensaio publicado pola editorial Galaxia titulado Golpistas e verdugos de 1936. Historia dun pasado incómodo, edición de Lourenzo Fernández Prieto e Antonio Míguez Macho. O acto (19:30, sede de Afundación) contará coa participación dos Catedráticos de Historia Contemporánea da USC Ramón Villares e Lourenzo Fernández Prieto.
  • Afundación presenta a exposición 'Terras de salitre. Cristina Mittermeier'
    Afundación presenta en Ferrol a exposición fotográfica «Terras de salitre. Cristina Mittermeier», un percorrido polas zonas do mundo nas que o ser humano explota os recursos marítimos dunha forma respectuosa e sustentable realizado pola fotógrafa mexicana Cristina Mittermeier. A mostra, conformada por fotografías de Grenlandia, Hawai, India, Madagascar, Columbia, Abralhos, a Antártida e Galicia, inaugurarase o 24 de xaneiro na Sede Afundación de Ferrol.
  • A Delegación da Xunta en Lugo acolle ata o 14 de xaneiro a mostra das 25 obras presentadas ao XXIX Certame Galego de Arte do Belén de Begonte
    A sala de exposicións da Delegación territorial da Xunta en Lugo acolle ata o vindeiro 14 de xaneiro a mostra das 25 obras pictóricas presentadas á XXIX edición do Certame Galego de Arte José Domínguez Guizán, unha das iniciativas culturais convocadas ao abeiro do Belén Electrónico de Begonte, declarado de interese turístico galego.
  • Nace Disorders, un proxecto solidario, artístico e colaborativo sobre saúde mental
    Fai catro anos, Carlos Morales puxo en marcha un proxecto baixo o nome Fear of Missing Out, onde pretendía dar a coñecer os problemas de saúde mental en primeira persoa partindo dun disco como proposta inicial. A partir de aí, a iniciativa tomou vida propia e acabou derivando en Disorders, un proxecto artístico multicisciplinar no que participaron múltiples persoas con problemas de saúde mental de todo o mundo.
  • Erro nas participacións de Lotería do Neno do Belén de Begonte
    Por erro de imprenta, nas participación da LOTERÍA DO NENO, para o sorteo do 6-1-2019, do BELÉN DE BEGONTE, figura o número 40.998, cando en realidade o número é o 40.992. Rogamos disculpen o erro, BELÉN DE BEGONTE.
  • As historias do audiovisual en Galicia protagonizan os Papeis da Academia 2018
    A memoria anual da Academia Galega do Audiovisual, coñecida como Os Papeis da Academia, publícase con textos de María Yáñez, Brais Romero, Cibrán Tenreiro e fotos de Tamara de la Fuente en formato revista web que se pode consultar en papeisdaacademia.gal. Os Papeis da Academia contan co patrocinio do Concello da Coruña e coa colabroación da Fundación TIC, de Lugo.
  • A Conferencia de Reitores das Universidades do Suroeste Europeo reúnese en Santiago de Compostela
    A Conferencia de Reitores das Universidades do Suroeste Europeo (CRUSOE) mantivo este martes na USC unha reunión da súa comisión executiva na que se avanzou cara á súa consolidación como asociación sen ánimo de lucro, previa á creación dunha agrupación europea de cooperación territorial.
  • Nace A Coruña Respira Música, a semana adicada ás Músicas ao Vivo
    A Asociación galega Músicas ao Vivo, a través da súa sección MAV Coruña, organizará na cidade de A Coruña un evento de 6 días baixo o nome de A Coruña Respira Música. As actividades previstas entre o 10 e o 15 de decembro contan co apoio económico do Concello da Coruña e o seu obxectivo é ofertar unha serie de actividades dirixidas aos músicos e músicas da cidade e da súa area metropolitana para contribuír á súa formación e darlle unha visión global sobre o sector musical e os seus retos.
  • PuntoGal organiza durante o Culturgal un concurso sobre banda deseñada con Kiko da Silva
    A Asociación PuntoGal acudirá por quinto ano consecutivo á Feira das Industrias Culturais, Culturgal, que se celebra entre os días 30 de novembro e 2 de decembro no Pazo da Cultura de Pontevedra. Nesta ocasión, o dominio realizará un concurso sobre banda deseñada en colaboración con Kiko da Silva e presentará a súa colaboración en proxectos de localización de software en galego.